पुणे जिल्ह्यातील निसर्गरम्य मुळशी तालुक्यातील रमणीय परिसरातील खारवडे गावात भाविकांच्या भक्तीचे श्रध्दास्थान असलेले स्वयंभू नि जागृत असे नवसाला पावणारे मुळशी तालुक्यातील भक्‍कतीवैभवी तिर्थक्षेत्र श्री म्हसोबा देवस्थान ट्रस्ट. खारवडे येथे घनदाट झाडीत झाडाचा पालापाचोळा गोळा करीत असताना निंबोनीच्या झाडाखाली हाताला शेंदूर लागल्याने बुवाजी मारणे अतिशय घाबरून गेले. त्याच दिवशी, त्याच रात्री त्यांना श्री म्हसोबाची उत्पत्ती होत असल्याचा दृष्टांत झाल्यावरून त्याच ठिकाणी उत्खनन केले असता शेंदूर लावलेली मोठी मूर्ती आढळली आणि तीच ही सध्याची श्री म्हसोबा देवाची मुळ मूर्ती.

आणि त्यामुळेच खारवडे हे श्री म्हसोबाचे मुळ स्थान समजले जाते. ही उत्पत्तीची कथा १३ व्या शतकातील असल्याची अख्यायीका आहे. स्वराज्याचे पहिले सरसेनापती बाजी पासलकर दर्शनाला येत असा इतिहास आहे. छत्रपती शिवाजी महाराजांचे निष्ठावंत सरदार दयाजीराव मारणे यांचे हे कार्यक्षेत्र. देवाचा कारभार सर्व ग्रामस्थ पहात असत.