नियोजनामध्ये सुसुत्रता यावी ह्यासाठी ८ ऑगस्ट १९९३ रोजी कै.लक्ष्मणराव तुकाराम मारणे व त्यांच्या काही सहकाऱ्यांनी देवस्थान ट्रस्टची रितसर नोंदणी केली. शासनातर्फे ‘ब’ वर्ग तिर्थक्षेत्र म्हणून मान्यता देण्यात आली आहे. शासनातर्फे तिर्थक्षेत्र विकास कार्यक्रमांतर्गत विविध योजनांसाठी निधी मिळाला असून त्याच्या माध्यमातून भाविकांच्या सुखसोयींसाठी वाहनतळ, भक्तनिवास, दर्शनबारी, मंदीर परिसर सुशोभीकरण करण्यात आले आहे.

भाविकांच्या मिळालेल्या देणगीमधून मंदीराचा भव्य दिव्य असा जिणोंध्दार करण्यात आला आहे. मंदीराला १०० तोळे सोन्याचा कळस बसविण्यात आला आहे. धार्मिक कार्याबरोबरच सामाजिक बांधीलकीच्या हेतूने परिसरातील विद्यार्थ्यांना शालेय शिष्यवृत्ती, पंचक्रोशीतील ग्रामस्थांसाठी दवाखाना, सुसज्ज रूग्णवाहिका आणि इतर बरेच उपक्रम राबविले जातात. गेले ४०० वर्षे चालू असलेली पशुबळीची व कौल लावण्याची प्रथा कायमची बंद करण्यात आली आहे. अशा ह्या श्री म्हसोबा देवस्थानला दर रविवार, पौर्णिमा, अमावस्या ह्या दिवशी भाविकांची अलोट गर्दी असते.